Për herë të parë në historinë e parlamentarizmit italian, një deputete mori pjesë në seancën plenare me foshnjën e saj në krahë, të cilin e ushqeu me gji në mesin e kolegëve të saj. Bëhet fjalë për deputeten e ‘Lëvizjes 5 yje’, Gilda Sportiello, e cila hyri në dhomën e deputetëve me foshnjën e saj vetëm dy muajsh në krahë. Deputetja zuri vendin e saj në dhomën e parlamentit italian, mori pjesë në votimin përfundimtar të projektligjit për administratën publike dhe më pas i dha gji foshnjës së saj, veprim që u prit me duartrokitje unanime nga kolegët e saj. Që prej nëntorit të vitit të kaluar, parlamenti italian lejon që nënat deputete të ushqejnë me gji fëmijët e tyre deri në moshën një vjeç, gjatë seancave parlamentare. I biri i deputetes, vetëm dy muajsh, është fëmija I parë që ushqehet me gji pas miratimit të kësaj rregulloreje. Deputetja Gilda Sportiello është shprehur se po jepet një mesazh nga parlamenti italian për të gjitha gratë dhe nënat .