Kriza ekonomike e krijuar nga Covid-19 ishte në qendër të diskutimit të kreut të PD, Lulzim Basha me biznesin e vogël në njësinë 11 në Tiranë. Kryedemokrati Basha ngriti shqetësimin se familjet dhe biznesi janë në vështirësi, ndërsa sistemi shëndetësor është në kolpas. “Cikli negativ duhet ndalur dhe duhet të nisim një cikël pozitiv rritjeje. Për këtë, qëndrimi ynë ka qenë i qartë prej fillimi. Të gjitha të ardhurat e shtetit në këtë kohë duhet të shkojnë tek familjet në nevojë dhe tek biznesi. Këtë formulë nuk është se e kemi shpikur ne. Këtë po bën Maqedonia, këtë po bën Kosova, këtë po bëjnë dhe vendet e zhvilluara. Natyrisht, s’mund të arrijmë kurrë Anglinë apo Gjermaninë, por të paktën të bëjmë maksimumin siç po bëjnë vendet e rajonit. Duhet secili të bëjë detyrën e vet. Edhe unë garantoj që do të keni një qeveri që do të bëjë detyrën e vet. Siç bën ti detyrën tënde si prind, si familjar, si punëdhënës me këta njerëz që i mban këtu, u paguan rrogën, edhe në si qeveri nesër do të bëjmë detyrën tonë. Do t’ju ndihmojmë ju, do të ndihmojmë çdo familje në nevojë. Kryedemokrati Basha tha se Shqipëri është i vetmi vend në Ballkan që nuk jep ndihmë ekonomike. Ndërsa u shpreh se PD ka propozuar që ti jepet një çek prej 1 mijë euro për biznesin e vogël dhe për ata që kanë humbur vendin e punës 160 mijë lekë në muaj ndihmë financiare.