Kryeministri Edi Rama deklaroi në emisionin “Open” në Top Channel se kontrata e Pfizer do të bëhet publike, pasi të dërgohet në Parlament. Rama tha se sipas planit të vaksinimit të hartuar nga ekspertët vaksinimi që sapo ka nisur parashikohët të mbyllet për 14 muaj në vendin tonë. “Kemi garantuar 500 mijë doza. 10780 do vijnë në janar. Do vijnë rreth 30 mijë në shkurt. kemi parashikuar me tre skenar ta mbyllim për 14 muaj. Në skenarin e tretë është në 24 muaj. Spanja tha se do e mbylli në vitin 2024 . Duam të jemi ambiciozë dhe ta mbyllim në 14 muaj. Ajo që po them është se ne në bazë të këtij plani jemi të vendosur se duke ecur me shpejtësi të shkëpusim hallka. Vaksinimi ka dy efekte tek personi dhe tek komuniteti për të mos përhapur. Janë 2.2 milion e përafërt që presin.” Sipas kreut të qeverisë Shqipëria ka kapacitete që të ruaj 250 mijë vaksina të Pfizer. ai sqaroi se nuk është e nevojshme që të merren të gjitha vaksinat përnjëherësh për shkak se nuk mund të injektohen të gjitha. kryeministri tha se po negociohet me AstraZeneca dhe Jonson and Jonson dhe Modernën. Nuk ka lënë pa ironizuar edhe debatin e krijuar së fundmi pas mbërrtitjes së 975 vaksinave të para të dhuruara nga një vend i be, duke pohuar se do të vijnë edhe dioza të tjera me kuaj. “Ne kemi kapacitet që të mbajmë 250 mijë vaksina Pfizer, por nga ana tjetër sigurimi sot dhe parapagimi me vaksinën më të shtrenjtë kur ti nuk ke nevojë që të kish të gjitha sot. Se si mund të jenë dinamikat. Është e panevojshme. Ne jemi duke negociuar me AstraZeneca që është më e lirë dhe me të lehtë për tu mbajtur. Jemi afër me AstraZeneca. Po presim Jonson and Jonso vakinë me një goditje. Kemi kontakte dhe komunikojmë me Modernën. Ka edhe një element tjetër se pse është kaq e çmuar sepse kërkesa është marramendëse dhe prodhimi shumë i ulët”