Shefave ushtarakë amerikanë iu tha disa herë se Covidi kishte rrjedhur nga një laborator në fillim të pandemisë, ka zbuluar një ish-zyrtar i Pentagonit. Jon Myers, i cili ishte oficer i Trupave Detare për 28 vjet dhe iu bashkua Pentagonit në vitin 2018, pretendon se shefat e shtabit të përbashkët ishin informuar për rrjedhje laboratori në Kinë që në tetor 2019. Myers tha se ai "e di me siguri absolute" se shefave të lartë ushtarakë amerikanë iu tha se Covid kishte rrjedhur nga një laborator në Ëuhan. FBI dhe Departamenti Amerikan i Energjisë besojnë se Covidi ka shumë të ngjarë të ketë rrjedhur nga një laborator në Kinë. Dhe një raport i ri i Kongresit doli në të njëjtin përfundim në fillim të këtij muaji. Por Myers pretendon se Shefat e Shtabit të Përbashkët u informuan që në tetor 2019 për një virus të ri që kishte dalë nga një laborator në Kinë. "Gjatë fundit të nëntorit dhe dhjetorit, ndoshta ky informiacion iu përcoll drejtuesve të paktën gjashtë herë. Askush nuk tha asgjë” – thotë ai. Më pas, në prill 2020, Shefat e Përbashkët të Shtabit në atë kohë, thanë se "pesha e provave" tregonte origjinën "natyrore" të virusit. Në atë moment, Myers po tërhiqej pas gati tre dekadash në shërbim, dhe tha se oficerët e inteligjencës nuk i jepnin më njoftime ku përmendej një rrjedhje laboratori. Myers beson se e vërteta u fsheh pasi "nuk ishte politikisht e favorshme në atë kohë".