Sekretari amerikan i Mbrojtjes, Pete Hegseth, urdhëroi të dielën që 200 trupa të Gardës Kombëtare të Oregonit të vendosen nën autoritetin federal, ndërsa shteti ngriti një padi duke sfiduar vendimin e Presidentit Donald Trump për të dërguar forca ushtarake në qytetin e Portlandit, të drejtuar nga Demokratët. Presidenti republikan të shtunën njoftoi planet për të dërguar trupa në Portland, duke thënë se ato do të përdoren për të mbrojtur objektet federale të imigracionit kundër "terroristëve vendas" dhe se ai po i autorizonte ata të përdorin "forcë të plotë, nëse do të jetë e nevojshme". Vendosjet e forcave ushtarake nga Trump në qytete të tjera të udhëhequra nga Demokratët, përfshirë Los Angeles dhe Ëashington, D.C., kanë nxitur sfida ligjore dhe protesta. Padia e Oregonit u ngrit kundër Trump, Hegseth dhe Sekretares së Sigurisë Kombëtare Kristi Noem në gjykatën federale në Portland, të dielën, nga Prokurori i Përgjithshëm Demokrat i Oregonit, Dan Rayfield. Padia akuzon Trumpin për tejkalim të kompetencave të tij.