Gjenerali që udhëheq forcën ajrore amerikane që mbikqyr hapësirën ajrore amerikane, tha të dielën pas një serie rrëzimesh të objekteve të paidentifikuara se ai nuk do të përjashtonte mundësinë e alienëve apo edhe ndonjë shpjegim tjetër. I pyetur nëse ai përjashton mundësinë e origjinës jashtëtokësore të tre objekteve të rrëzuara në SHBA nga avionët ushtarakë amerikanë, në pak ditë, gjenerali Glen VanHerck tha: Unë do tia lë komunitetit të inteligjencës dhe atij të kundrazbulimit ta sqarojnë këtë. Unë personalisht nuk përjashtoj asnjë mundësi. Në këtë pikë ne po vazhdojmë të vlerësojmë cdo kërcënim apo kërcënim të mundshëm, të panjohur, që i kanoset amerikës së veriut me një përpjekje për ta identifikuar atë”, tha VanHerck, shef i komandës së mbrojtjes së hapësirës ajrore të amerikës së veriut. Komentet e tij u bënë gjatë një konference për shtyp të pentagonit, të dielën, pasi një avion ushtarak amerikan, F-16, rrëzoi një objekt me formë oktagonale mbi liqenin Huron në kufirin mes shba-së dhe kanadasë. Incidentet gjatë tre ditëve të shkuara pasojnë rrëzimin më 4 shkurt të një balone kineze që vuri në alarm të lartë mbrojtjen ajrore të amerikës së veriut. Zyrtarët amerikanë thanë se balona përdorej për spiunazh. Një tjetër zyrtar amerikan i mbrojtjes, duke folur në kushte anonimiteti, tha se ushtria nuk kishte parë asnjë të dhënë që të sugjeronte se ndonjë nga objektet në fjalë kishte origjinë jashtëtokësore. VanHerck tha se ushtria nuk ishte në gjendje të përcaktonte menjëherë mënyrat se si tre objektet e fundit fluturonin ose se nga kishin ardhur ata. “Në po i quajmë ata objekte, jo balona, dhe kjo ka një arsye”, tha VanHerck. Incidentet vijnë ndërsa Pentagoni ka përqafuar një qëndrim të ri vitet e fundit, për të hetuar rastet e pikasjes së UFO-ve, ose ndryshe, fenomene ajrore të paidentifikuara. Përpjekjet e qeverisë për të hetuar objektet anormalë dhe të paidentifikuar, qoftë në hapësirë, në qiell apo edhe nën ujë, kanë cuar në qindra raporte të dokumentuara që po hetohen. Por pentagoni thotë se nuk ka gjetur asnjë provë që të tregojë vizita në tokë të jetës inteligjente aliene.