Në fortesën Mont Valerien, në perëndim të parisit, gjendet edhe kafazi i fundit i pëllumbave ushtarakë në evropë, që dikur përdoreshin nga ushtria për të transmetuar mesazhe në mes të një lufte. “Ky është një pëllumb korrier, si ata që përdoreshin për të transmetuar mesazhe gjatë luftës së parë dhe të dytë botërore”, thotë rreshteri Silvan, për AFP. “Tani është një pëllumb garues”, shton ai duke sqaruar se pëllumbat korrierë të vendosur në fortesën ushtarake nuk kanë më asnjë funksion lajmëtari. Progresi teknologjik e ka kapërcyer rolin e tyre si lajmëtarë për ushtrinë franceze. Në të shkuarën, pëllumba si këta ishin të aftë të kthehen në kafazin ku ishin stërvitur falë GPS-it të tyre natyror dhe shqisave të tyre të mprehta.