Tashmë është kthyer në traditë pelegrinazhi i përvitshëm në Martanesh, ku edhe këtë vit qindra besimtarë bektashianë u ngjitën në vendin e shejtë të “Ballem Sulltanit”, për të kryer rituaet e tyre fetare si dhe për të ndezur qirinj. Pelegrinazhit iu bashkua dhe kryegjyshi i bektashinjve, Edmond Brahimaj. “Këtu vjen për të marrë energjinë pozitive, për t’u shkarkuar nga energjia negative që kemi marrë gjatë jetës sonë. Gjithashtu ne vijmë që të reflektojmë njëri-tjetrin. Të kemi dashuri, të mos zihemi me njëri-tjetrin, t’i duam prindërit, të duam vëllain, të duam gjithçka të mirë. Siç thotë Zoti gjithë këtë bukur e krijoi për ne. Unë në këtë pelegrinazh do bëj një lutje bashkërisht që Zoti të na largojë çdo të keqe”.