Në harkun kohor të dy ditëve Policia shqiptare ka plotësuar dokumente për persona të ekstraduar nga vende të tjera të Evropës për në Shqipëri. Këtë të dielë është ekstraduar nga Greqia në Shqipëri 55 vjecari Sokol Metaj, ndaj të cilit në vitin 2015 është dhënë nga dënim nga drejtësia shqiptare me 5 vjet heqje lirie në akuzën e ngacmimit seksual ndaj të miturve. Sokol Metaj ishte shpallur person në kërkim ndërkombëtar, pasi Gjykata e Shkallës së Parë Tiranë e ka dënuar me 5 vjet burg për veprën penale "Ngacmimi seksual" dhe Gjykata e Apelit Tiranë ka vendosur lënien në fuqi të këtij vendimi penal. Ngjarja për të cilën akuzohet Metaj ka ndodhur në 15 nëntor të vitit 2015 në afërsi të kalçetove të një kompleksi në Tiranë. Në automjetin e tij, i dënuari Sokol Metaj, i cili ishte trajner futbolli, ka ngacmuar seksualisht dy shtetas të mitur, njërin prej të cilëve e kishte nxënës në kursin e tij të futbollit. Fillimisht karrierën si futbollist Sokol Metaj e ka nisur të Naftëtari i Kuçovës, ekip me të cilin ka luajtur deri në vitin 1988. Në sezonin 1992-1993, Metaj ka veshur fanellën e Partizanit, ku edhe u shpall kampion. Më pas ka luajtur në NK Mura në Slloveni dhe në ekipe si Sibenik dhe Zadar në Kroaci.