“Now we vote resolution as a whole, the vote is open … the vote is closed. The resolution is adopted” Me 483 vota pro, 103 kundër dhe 70 abstenime parlamenti europian miratoi rezolutën vjetore për Shqipërinë, hartuar nga eurodeputeti austriak Andreas Schider, ku mirëpritet progresi i Shqipërisë dhe njëkohësisht kërkohet të kapërcehen sfida të tilla si polarizimi i brendshëm politik, forcimi i sundimit të ligjit dhe konsolidimi i reformave kundër korrupsionit. “Amendament 4, the vote is open, the vote is closed … rejected” Me 433 vota kundër u rrëzua amendamenti 4, propozuar nga një grup eurodeputetës të majtë ku shprehej shqetësimi, në lidhje me investimin e dhëndrit të presidentit amerikan, Jared Kushner në Sazan e Zvërnec. Një ditë më parë, këtë çështje e ngriti në parlamentin europian, italiania Ilaria Salis, një nga firmëtaret e amendamentit.