Partia Demokratike përshëndet nisjen e procesit të mbylljes së negociatave të anëtarësimit me Bashkimin Europian dhe zotohet se së shpejti do të depozitojë në Kuvend tre projektligje që kërkohen nga Brukseli si kusht për anëtarësimin. Nismat u prezantuan nga kreu i grupit parlamentar të PD, Gazment Bardhi në një konferencë për shtyp këtë të martë nga Kryesia e Kuvendit.