Partia Demokratike do të mbajë protestën e radhës kombëtare më 10 shkurt. Kryedemokrati, Sali Berisha u shpreh se revolta është përgjigjia e merituar për qeverisjen e Edi Ramës, teksa ftoi qytetarët që t’i bashkohen. Sinkron Berisha: “Revolta dhe vetëm revolta është përgjigja e merituar e sovranit ndaj këtij grupi që nuk ka ligj, kushtetutë e as moral. Revolta dhe vetëm revolta është rruga e daljes, e përmbysjes së diktaturave autokratike, njëlloj si në vendet e tjera. Ndaj dhe ftoj dhe njëherë me datën 10 shkurt të gjithë shqiptarët, të gjithë qytetarët e Tiranës, në rrugët dhe sheshet e kryeqytetit në protestën më të fuqishme që ka njohur Shqipëria kundër regjimit të drogës, krimit dhe vjedhjes së shqiptarëve.” Revolta do të vijojë edhe parlament, ku kryetari i Partisë Demokratike, Sali Berisha paralajmëroi se nuk do të ketë asnjë bashkëpunim me socialistët sa i takon reformës territoriale.