Partia Demokratike ka vijuar me akuzat ndaj kryeministrit Edi Rama, teksa këtë të martë demokratët renditën të gjitha ato që I konsiderojnë si politika të gabuara dhe antishqiptare në politikën e jashtme. Sipas demokratëve, qeveria e Edi Ramës është më pro serbja, duke u rreshtuar kundër Kosovës dhe interesave shqiptare. Edi Rama do të mbahet mend si helmuesi më i pashembullt i marrëdhënieve ndërmjet Shqipërisë dhe Kosovës. Në 11 vite, Edi Rama u konfliktua me katër kryeministra dhe dy presidentë të Kosovës….Edi Rama tradhtoi vokacionin kombëtar për t’iu bashkuar Europës, duke na tërhequr zvarrë drejt Ballkanit të Hapur….Edi Rama, që veriun e Kosovës e konsideron tokë të askujt, u bë zëdhënës i Vuçiçit, dhe mbrojtësi më i flaktë i politikës serbe që refuzonte zbatimin e sanksioneve të BE ndaj Rusisë. I vetmi në rajon që ndërtoi një marrëdhënie aq të afërt me Vuçiç sa me ironi një gazetar gjerman do ta quante “kryeministri më i mirë serb pas Pashicit”.