Partia Demokratike ndodhet në një udhëkryq. Për të tretën herë zgjedhjet janë fituar nga Partia Socialiste, duke vënë pikëpyetje të forta mbi lidershipin demokrat, Lulzim Basha. Në harkun e vetëm pak orëve janë shtuar zërat për dorëheqjen e Bashës dhe kryerjen e një reforme të thellë në Partinë Demokratike. Një prej tyre është edhe Edvin Kulluri me një qëndrim të prerë për marrjen e përgjegjësive, duke kërkuar reformim rrënjësor. “Këtë proces nuk mund ta udhëheqë Lulzim Basha që më së paku të dorëhiqet me dinjitet për t’i hapur rrugën reformit të Partisë Demokratike! Këshilli Kombëtar duhet të marrë përgjegjësinë që i takon dhe ja ka përcaktuar statuti! Partia Demokratike është pronë e demokratëve dhe aset publik, ndaj duhet të sillet si e tillë!” Sipas Kullurit, duke të ketë një process, ku qartësisht të përcaktohet edhe roli i forumeve drejtuese. “Këshilli Kombëtar duhet të udhëheqë një proces zgjedhor dhe debati politik në bazë për të përfunduar me zgjedhjen e forumeve drejtuese dhe kryetarit të ri! Dhe po aq e rëndesishme është miratimi i një statuti të ri demokatik ku ndarja e pushteteve të garantojë lirinë e debatit, konkurencen e hapur dhe autonominë e nevojshme të strukturave lokale! Por, për Kullurin, nuk ka asnjë vlerë, nëse ikën një kryetar dhe vjen një tjetër, përndryshe PD do mbetet spektatore e fitoreve të kundërshtarit!