Partia Demokratike akuzon kryeministri Rama për dhunë ndaj mbështetësve të saj në Londër. Përmes një deklarate për shtyp selia blu thotë se kreu I qeverisë përdori policinë britanike për t’u mbrojtur nga bashkatdhetarët. ‘Si antishqiptar i vërtetë dhe frikacak i lindur, atij i duhej policia britanike për t’u mbrojtur nga bashkatdhetarët. Sot, ai kreu krimin e dyfishtë, pasi i përzuri nga vendi i tyre, i dhunoi në vendin e adoptuar. Edi Rama do mbetet në analet e turpit të historisë si kryeministri që, pasi i ka përzënë nga vendi, dhunon dhe keqtrajton bashkëkombasit e tij. Partia Demokratike e dënon me forcë dhunën e ushtruar kundër shqiptarëve të lirë. Mercenarët që dhunuan në emër të Ramës janë vetëm masha mjerane të narkoshtetit. Ndërkohë që, përgjegjësi i vetëm, ai që do përgjigjet deri në një për dhunën ndaj qytetarëve shqiptarë dhe britanikë, është Edi Rama.”, thuhet në deklaratë. Ndërkohë PD fton të gjithë qytetarët më tej që t’I bashkohen protestës së radhës kombëtare që do të mbahet në 26 nëntor.