Partia Demokratike mblodhi të mërkurën Kryesinë, me në fokus diskutimet për një sërë ndryshimesh statutore, të hartuara pak ditë para Kuvendit Kombëtar të 30 majit. Në draftin e bërë publik, janë propozuar disa ndryshime në statutin e partisë, si fuqizimi i diasporës me një kuotë përfaqësimi prej 15%, rritjen e përfaqësimit të grave dhe vajzave nga 30% në 40%, Ngritjen e Komisionit të Seleksionimit të Kandidaturave për deputet dhe kryetar bashkie, Forcimi i raporteve mes Degëve të Partisë dhe të zgjedhurve vendorë, Përmirësimi i organizimit bazë të partisë, Saktësimi i rregullave të shkarkimit të kryetarëve të degëve, Njohja e një statusi të barabratë për të gjitha organizatat partnere të partisë, Mbrojtja e të dhënave personale të anëtarëve të Partisë. Gjatë mbledhjes, nuk pati sinjale nga kryedemokrati Berisha për ndryshimin e procesit të primareve apo nenin ‘Basha’, i cili detyron kryetarin e partisë të japë dorëheqjen pas humbjes në zgjedhje, nen i cili nuk u zbatua nga Berisha në zgjedhjet e 11 majit.