Kryetari i Partisë Demokratike, Sali Berisha, deklaroi në fund të Kuvendit Kombëtar se ka nisur procesi i ripërtëritjes së partisë, i cili sipas tij do të shtrihet në të gjitha nivelet organizative, duke filluar nga seksionet bazë. Ripërtëritja ka filluar të them të vërtetën. Të drejtë keni, do ta paraqesim. Kjo parti kthehet tek seksioni dhe do fillojmë me seksionin dhe do kalojë në të gjitha nivelet. Ky është një proces që ka filluar prej dy muajsh, por nuk është promovuar, sepse kemi pasur probleme të tjera. I pyetur për mungesën e zërave kritikë në Kuvend, Berisha tha se debatet dhe sugjerimet kanë qenë të pranishme, ndërsa theksoi se kritika është pjesë e vazhdueshme e jetës politike brenda Partisë Demokratike, teksa theksoi se kushdo që punon kundër kësaj force politike i shkëput lidhjet me të. Kritikë ka sa të duash në gjirin e partisë që s’pësojnë asnjë gjë dhe nuk i pyet asnjë, kurse ata kanë veprime konkrete kundër Partisë Demokratike. Në qoftë se ti, më fal një minutë, në qoftë se ti je larguar gjatë fushatës, atëherë ti, një gjë është e sigurt, minimumi që vend drejtues nuk mund të marrësh.