Një përplasje e dytë për vulën e partisë ka filluar mes demokratëve, kësaj here debati është se kush do i ushtrojë kompetencat për përdorimin e vulës së Partisë Demokratike. Përmes një vendimi që mban datën 18 Korrik, anëtarët e kryesisë kanë vendosur që vulën e partisë të mos e ketë më në përdorim sekretari i përgjithshëm, Gazmend Bardhi, por sekretari për Çështjet Ligjore dhe Zgjedhore, Indrit Sefa. Vendimi mban firmën e 15 anëtarëve të kryesisë, ku bie në sy se Oriola Pampuri ka fimosur dy herë për heqjen e kësaj kompetence nga sekretari i përgjithshëm. Vendimi i kryesisë vjen pas reagimeve të Gazmend Bardhit, por edhe deputetëve dhe antarëve të këshillit të Partisë Demokratike, të cilët kërkojnë të mos realizohet procesi zgjedhor për kryetarin e ri më 29 Korrik, pasi vlerësojnë se do të jetë një proces joreal. Kandidatë në këtë process janë Lulzim Basha dhe Gjergj Hani.