Pas publikimit të lajmit se Partia Demokratike ka nënshkruar një kontratë lobimi në SHBA, vlera totale e së cilës mund të shkojë në 6 milionë euro nëse do të përmbushet e plotë për 2 vite, ka reaguar edhe vetë selia blu. Në reagimin e PD që konfirmon vërtetësinë e kontratës. “Komuniteti shqiptaro amerikan permes fondacionit “Make Albania Great Again” ka kontraktuar kompanine “Continental” per te ndihmuar ne konsolidimin e mardhenieve miqesore te Partise Demokratike si forca me e madhe opozitare me Kongresin dhe Qeverine e SHBA. Synimi i bashkeatdhetareve tane ne SHBA eshte bashkepunimi i PD me aleatin kryesor te Shqiperise per te rivendosur demokracine funksionale dhe shtetin e te drejtes ne Shqiperi.”, thuhet ndër të tjera në reagim. Më tej PD vë theksin tek paratë që do të paguhen për realizimin e saj. “Kontributi financiar per realizimin e ketij qellimi eshte marre persiper 100% nga patriote shqiptare qe jetojne dhe punojne prej dekadash ne SHBA si dhe demokrate te tjere te larguar nga Shqiperia keto 10 vite per shkak te regjimit te Edi Rames!” bëhet e ditur nga selia blu, duke theksuar se ndonëse Partia DEmokratike ka dhene dakordesine per marrjen e ketij sherbimi ne perputhje me ligjet e te dy vendeve, nuk ka asnje barre financiare apo detyrim kontraktual qe lind nga kjo marreveshje.