Këshillit kombëtare për të vendosur disa objektiva, ndërsa u publikua edhe dokumenti me rregullat për përzgjedhjen e kandidatëve demokratë për zgjedhjet lokale që do të mbahen në vend në 2023-shin. Në fjalën e tij, ish-kryeministri Berisha foli gjatë për protestat, duke shtuar se ato duhet të kishin nisur. “Koha e protestave ka kaluar, duhet të kishim nisur. Kjo dëmton besuesshmërinë tek ne. Prandaj çdo demokrat, çdo drejtues duhet të bëjë gjithçka për të mobilizuar njerëzit. Vetë partia, duhet të kalojmë në forma të shumëllojta të revoltave paqësore. Si ka mundësi të vazhdohet në këtë mënyrë ku mësuesit shqiptar janë më të keqtrajtuar, mezi përballojnë jetesën, shohin shkollat që mbyllen e portalin një maskim për ta. Rama strehohet në hotele 3000 euro nata apo instalacioni 4 milion euro në oborrin e kryeministrisë që kushton sa transporti vjetor i nxënësve. Nuk mund të vazhdohet më kështu, ndaj dhe kjo vjeshtë duhet të jetë vjeshta e protestave ose pranvera e demokracisë”.