Përkrahësit e Berishës, në radhët e anëtarësisë së Partisë Demokratike, iu drejtuan këtë të hënë kutive të votimit në 9 degë, për të zgjedhur kryetarët e rinj të demokratëve në nivel bashkie. Sipas parimit ‘një anëtar një votë’, demokratët e Peqinit, Korçës, Devollit, Lezhës, Mirditës, Shkodrës, Vaut të Dejës, Malësisë së Madhe dhe njësisë administrative numër 7 në kryeqytet; ju nënshtruan procesit të votimit për strukturat e reja drejtuese në nivel bashkie, që do të përmbyllen me kuvendin kombëtar të 30 prillit, ku pritet të zgjidhet dhe kryetari i ri i Partisë Demorkatike. Në listën e emrave të kandidatëve për kryetar, bie në sy emri i Arben Mizës në Devoll. Ky i fundit u shkarkua me vendim të ish kryedemokrati, Lulzim Basha, pasi u bë pjesë e kuvendit kombëtar të 11 dhjetorit të thirrur nga Sali Berisha.