Gjykata Kushtetuese shqyrtoi ankimimet e Partisë Demokratike për rrëzimin e kërkesave të tyre për ngritjen e komisioneve hetimore për çështjen ‘McGonigal’ dhe zgjedhjet parlamentare të 11 majit. Kryetari i grupit parlamentar demokrat, Gazment Bardhi bëri një bilanc të të gjitha kërkesave të tyre që janë hasur me refuzimin e socialistëve, kur tha se panorama në Kuvend tregon një vullnet politik për të asgjësuar rolin e opozitës. Sa i takon komisionit hetimor për zgjedhjet e 11 majit, demokratët argumentojnë se edhe vetë tradita parlamentare legjitimon ngritjn e komisionit me këtë objekt hetimi, bazuar në raportin e OSBE/ODIHR; ndërsa sa i takon çështjes McGonigal, për demokratët, dokumentet e drejtësisë amerikane janë indicie të mjaftueshme për të vënë në lëvizje kontrollin parlamentar.