Partia Demokratike I kërkoi Gjykatës Kushtetuese që të shpjegojë arsyet dhe motivet që e çuan, sipas kësaj force politike, drejt nënshtrimit të presionit të Kryeministrit për çështjen Balluku. Përmes një reagimi në Facebokk, kreu I grupit parlamentar të PD, Gazment Badhi e akuzoi trupën e Kushtetueses se ka treguar papërgjegjshmëri, sipas tij, dhe mungesë të theksuar integriteti. Deri më sot, s’kanë dhënë asnjë argument kushtetues, përveç idiotësisë kushtetuese se lufta e sistemit të drejtësisë ndaj korrupsionit cënon interesat shtetërore më shumë se vetë korrupsioni qeveritar në një aferë 1.1 miliard euro. Njësoj e domosdoshme për besueshmërinë e Gjykatës Kushtetuese mbetet sqarimi për dy srandardet e ndjekura: se pse 1/5 e deputetëve nuk legjitimohen për të kërkuar interpretim për masat ndaj një deputeti, ndërsa Kryeministri legjitimohet për të kërkuar interpretim për masat ndaj një ministri. Kur t’i kenë sqaruar këto, mund të bëjnë edhe një deklaratë përgënjeshtruese ndaj vetes dhe presionit të jashtëzakonshëm që Kryeministri po ushtron për këtë çështje!