Partia Demokratike ka dorëzuar 10 dosje voluminoze në Komisionin e Ankimimeve dhe Sanksioneve në Komisionin Qëndror të Zgjedhje. Demokratët pretendojnë se ka pasur parregullsi në procesin e votimit, duke sjellë në fokus edhe numri e lartë të votave të paflevshme. Në kërkesat e saj Partia emokratike ka ankimuar rezultatin e 9 qarqeve konkretisht atë të Kukësit, Durrësit, Tiranës, Elbasanit, Fierit, Beratit, Gjirokastrës, Korçës dhe Vlorës. Të vetmet qarqe në të cilat demokratët nuk kanë konstatuar asnjë parregullsi janë Shkodra, Lezha dhe Dibra, në të cilat kanë fituar. Përfaqësuesi ligjorë të Partisë Demokratike në Komisionin Qëndror të Zgjedhjeve, Marash Logu akuzoi KAS se miratoi sipas urdhrit të kryeministrit Edi Rama modeli e fletës së votimit, që sipas tij prodhuan 83 mijë vota të pavlefshme. "Siç e pamë gjatë zgjedhjeve, regjimi Rama-Doshi sundon gjithë sistemin shtetëror në vend, dhe e përdor atë për përfitimet e tij politike. Këtu përfshihet edhe KAS i cili vendosi fletën e votimit sipas urdhrit politik të Edi Ramës. Por është detyra jonë të shpalosim gjithë dëshmitë dhe dokumentet që kemi dhe të vazhdojmë betejën për të vërtetën dhe për qytetarët shqiptarë në të gjitha frontet, mënyrat dhe mundësitë që ekzistojnë. Kjo betëjë nuk ka të bëjë me PD apo me partitë politike, ajo ka të bëjë me të ardhmen tonë, fëmijët tanë, demokracinë tonë. Dhe përfundimi i saj do të jetë i qartë: përmbysja e regjimit Rama-Doshi-Rakipi dhe kthimi i Shqipërisë shqiptarëve" Më herët edhe Lëvizja Socialiste për Integrim ka depozituar kërkesë ankimore ndaj KAS për përsëritje të zgjedhjeve në qarkun e Gjirokastrës dhe Beratit.