Partia Demokratike do të zhvillojë të mërkurën e 1 korrikut mbledhjen konstituive të Këshillit Kombëtar në orën 18:00. Sipas njoftimit zyrtar, mbledhja do të ketë në rend dite zgjedhjen e kryetarit të Këshillit Kombëtar, zgjedhjen e Kryesisë së Partisë Demokratike, si dhe diskutimin e çështjeve të tjera dhe do të shërbejë pikërisht për formimin dhe përbërjen e organeve drejtuese. Anëtarët e Këshillit dolën nga punimet e Kuvendit Kombëtar të PD-së të mbajtur më 30 maj, që Berisha e cilësoi si një ripërtëritje të të gjithë partisë. Në njoftim theksohet vetëm rendi i përgjithshëm i ditës dhe identifikohen postet aktuale të cilave u referohen zgjedhjet, pa përfshirë shpjegime të mëtejshme mbi kandidatët ose dinamikat brenda strukturave të PD. Sipas materialit të publikuar, mbledhja do të përfundojë me diskutimin e çështjeve të tjera, ku pritet të flitet për protestat e qytetarëve tashmë gati një mujore dhe mbështetja nga radhët demokrate, për të cilën kryedemokrati Berisha ka bërë thirrje disa herë. Pas referendumit më 23 maj që rikonfirmoi Berishën në krye të partisë, në agjendën e aksionit opozitar të PD-së ishin edhe protestat, të cilat do të vijonin përgjatë verës, por me kryengritjen e qytetarëve në shesh cdo ditë, kryedemokrati është tërhequr për t’ia lënë fjalën vet shqiptarëve, të cilët sipas tij do të përmbysin diktaturën e instaluar ne vend nga kreu i ekzekutivit, Edi Rama.