Kur zgjedhjet lokale sa vijnë e më shumë afrohen, duket se Reforma Zgjedhore, nuk po ec me ritmin e duhur. Përkundër faktit se Komisioni për Reformën Territoriale ka zhvilluar disa mbledhje, e njëjta gjë nuk mund të thuhet për Komisionin për Reformën Zgjedhore, një reformë që sipas opozitës duhet të ecte paralelisht me atë territoriale. Deri më tani, ky komision ka mbajtur vetëm një mbledhje, atë të konsituimit, gjë e cila ka vënë në pikëppyetje nëse do të mund të mbyllet me sukses sipas parashikimeve apo jo. Nisur nga kjo, burime I thane Top News, se si Partia Socialiste, ashtu edhe ajo demokratike, do të kërkojnë në shtator shtyrjen e afatit të punimeve të këtij komisioni. Pasi të kërkohet shtyrja e afateve, të njëjtat burime bëjnë me dije se palët do të ulen në tryezë për të diskutuar rregullat e reja, të cilat pritet të hasin shumë debate. Kjo për shkak se si opozita ashtu edhe maxhoranca kanë pikëpymje e qëndrime të ndryshme për koalicionet.