Pak muaj nga marrja e detyrës si shef i diplomacisë shqiptare, opozita kërkon që Ferit Hoxha të mbajë përgjegjësi për një sërë çështjesh duke filluar nga mesazhet ofenduese të shpërndara në rrjet drejtuar shqiptarëve të Maqedonisë së Veriut, raportin IBAR dhe për dyshimet se i vëllai është përfshirë në dosjen e AKSHIT. “Ministri duhet të vijë dhe të thotë këtu, ose shqiptarët e Maqedonisë së Veriut janë idiotë dhe ai i qëndron thënies së tij, ose ky mesazh është i fabrikuar nga ana ime dhe unë dal këtu publikisht dhe i kërkoj ndjesë çdo qytetari të Republikës së Shqipërisë edhe shqiptarëve të Maqedonisë, ose ministri i jashtëm i Republikës sonë duhet të kërkojë ndjesë. Asnjë përgjigje dhe edhe për dosjen e AKSHI-t. I kam bërë me dije ministrit, i kam lexuar vendimin numër 289 datë 20 prill 2026 të Gjykatës së Posaçme të shkallës së parë për korrupsion dhe krimin e organizuar dhe e kam pyetur nëse është në konflikt interesi në momentin që raporton para institucioneve europiane për reformën në drejtësi, për institucionet e drejtësisë dhe sërish ka patur vetëm mohim dhe nuk kemi marrë përgjigje.”