Vendimi i 25 marsit nga Gjykata e Tiranës për të regjistruar statutin e ri të Partisë Demokratike të votuar në Kuvendin e 11 dhjetorit, ka theksuar edhe më tej përçarjen në PD. Enkelejd Alibeaj, kreu i grupit parlamentar, në cilësinë e nënkryetarit që u besua si kryetar i komanduar, ankimoi vendimin e gjykatës, dhe vijon të pretendojë se është ai që drejton. Nga ana tjetër Komisioni i Rithemelimit me vendimin e gjykatës, i qëndron vendimit se drejton PD-në. Nga ana tjetër Lulzim Basha dha dorëheqjen në funksion të bashkimit të demokratëve. Por pavarësisht të gjitha këtyre zhvillimeve, përçarja vijon, teksa mbështetësit e Lulzim Bashës, akuzojnë për këtë Komisionin e Rithemelimit, i cili po zhvillon procesin e riorganizimit në bazë dhe zgjedhjen e kryetarëve të degëve.