Kryedemokrati Sali Berisha gjatë një konference nga selia blu lexoi të dhënat që prodhoi Kuvendi Kombëtar i Partisë Demokratike, ku u votuan anëtarët e Këshillit Kombëtar dhe një sërë ndryshimesh në Statut. Berisha u shpreh se delegatët e Kuvendit votuan për ripërtëritjen e PD, duke u ndalur tek rritja e përfaqësisë së të rinjve dhe grave. ‘Pas numërimit të votave, rezulton se 71 të rinj, pra rreth 30 përqind e të zgjedhurve në Këshillin Kombëtar, i përkasin moshës ndër 30 vjeç, i përkasin të rinjve dhe ky është një investim. Një zhvillim tjetër madhor pozitiv, hap i rëndësishëm që Kuvendi bëri për gratë dhe vajzat. U arrit përcaktimi statutor i rreth 40 përqind të përbërjes së Këshillit Kombëtar.’