Partia Demokratike ka akuzuar qeverinë se ka dështuar me reformën territoriale. Në një deklaratë nga selia blu në emër të PD, Mateo Spaho u shpreh se në vetëm në dy vjet, 2017-2019, janë paguar nga taksat e qytetarëve rreth 92 milionë euro për më shumë se 8100 punonjës shtesë me kontratë të përhershme, veçanërisht në pushtetin lokal. Zyrtari i PD shtoi se në raport me 2 vite më parë ka 3% më pak teknikë dhe specialistë dhe se është rritur gati me 15% numri i nëpunësve të lartë dhe drejtuesve, të cilët i kushtojnë 46 milionë euro buxhetit të shtetit. Sipas Spahos këta drejtues e nëpunës të lartë janë militant të partisë në pushtet dhe se objektivi I tyre nuk është shërbimi ndaj qytetarëve por mbledhja e votave në fushatën elektorale.