Liderët e shteteve anëtare të NATO-s janë mbledhur në Vilnius, kryeqytetin e Lituanisë, me qëllim që të tejkalojnë mospajtimet rreth përpjekjeve të Ukrainës për t’u bërë anëtare e aleancës. Në agjendën e takimit dyditor është edhe pranimi i Suedisë në aleancë, pasi më në fund presidenti turk Recep Tayyip Erdogan u dorëzua dhe tha ‘Po’. Ndërkohë, siç raporton agjencia e lajmeve Retuers, samiti dyditor i NATO-s do të mbikëqyret nga sistemet e raketave “Patriot” nga Gjermania, aeroplanë luftarakë dhe forca nga 17 shtete. Përvec Patriotëve gjermnanë, në mbrojtje të samitit janë vendosur edhe sistemet NASAMS dhe avionët luftarakë. 1 mijë trupa shtesë nga 16 vende aleate të natos, bashkë me bateri anti ajrore dhe avionë luftarakë janë dislokuar në vilnius ku do të qëndrojnë përgjatë gjithë kohëzgjatjes së samitit. Shumë shtete kanë siguruar edhe sisteme të avancuara të mbrojtjes ajrore që shtetet baltike nuk i disponojnë. Gjermania dërgoi plot 12 lëshues të raketave patriot që mund të rrëzojnë raketa balistike, avionë luftarakë dhe raketa kruiz. Spanja dërgoi sistemet e mbrojtjes ajrore NASAMS ndërsa franca topat me vetështytje Caesar. Finlanda, danimarka dhe franca po ashtu ofruan avionët e tyre luftarakë ndërsa mbretëria e bashkuar dhe franca siguruan mbrojtjen nga dronët. Po ashtu, polonia dhe gjermania dërguan forcat e tyre speciale me helikopterë në Lituani ndërsa një numër vendesh të tjera nisën njësi të mbrojtjes nga sulmet kimike, biologjike dhe radioaktive. Sipas Reuters, tetë bateri patriot u vendosën afër aeroportit të Vilniusit, në drejtim të kaliningradit, dhe dy të tjera në drejtim të Bjellorusisë.