Që nga fillimi i qershorit, Ukrainës i është lejuar të përdorë armë perëndimore në territorin rus. Por, a e ndryshon kjo rrjedhën e luftës? Gjermania hezitoi shumë por në fund tha po. Ajo e lejoi ukrainën të përdorë armë gjermane kundër objektivave në rusi, pavarësisht se jo pa kushte. Shqetësimi i Berlinit ishte, se Kremlini mund ta shihte Gjermaninë si një palë ndërluftuese. Por pasi SHBA i dha Ukrainës lejen për për përdorimin e armëve amerikane, kancelari Olaf Scholz u tërhoq nga shqetësimet e tij. Sigurimi i paqes sot do të thotë "që ne mbështesim Ukrainën", tha Scholz dhe miratoi përdorimin e armëve gjermane për goditjen e objektivave ruse në territorin e Rusisë. Deri tani armët perëndimore janë dërguar vetëm për vetëmbrojtje nga sulmet ruse. Për të goditur objektivat në territorin rus, arsenali gjerman mund të përfshijë sistemin raketor antiajror Patriot me një rreze veprimi prej rreth 68 kilometrash; ashtu si raketahedhësin MARS II, i cili mund të godasë shënjestra deri 80 kilometra largësi. Vitin e kaluar, SHBA e pajisi Ukrainën me raketa ATACMS, të cilat kanë një rreze veprimi prej 165 kilometrash. Varianti me rrezen më të gjatë mund të godasë objektivat deri në 300 kilometra larg. Perëndimi është përshtatur me realitetet e reja të luftës, thotë Frank Sauer, një ekspert i politikës ndërkombëtare në Institutin Metis në Universitetin e Bundesëehrit në Mynih për DË. "Tani ukraina mund të godasë aeroportet ruse nga të cilat janë nisur bombarduesit e moskës dhe t'i shkatërrojnë ato. Mund të goditet edhe infrastruktura dhe pistat, në mënyrë që numri i këtyre sulmeve ruse të zvogëlohet dhe të mbrohet popullata civile ukrainase. Ka edhe pika të tjera grumbullimi të forcave tokësore ruse që mund të arrihen me ATACMS ose armë të tjera. Nëse presioni rus në rajonin e Kharkivit lehtësohet, Ukraina do të jetë në gjendje të mbrojë më mirë linjat e tjera të frontit.