Si pikë kthese në mandatin e katërt qeverisës, kryeministri Edi Rama prezantoi platformën “Pasqyrë Albania” që në koncept tingëlloi e ngjashme me “Shqipëria që Duam”. Drejtori i Përgjithshëm i Agjencisë për Dialog dhe Bashkëqeverisje, Anxhelo Koleka u shpreh në komisionin ‘Xhafaj’ se Pasqyra do të jetë pjesë integruese e Bashkëqeverisjes dhe për këtë po bëhen gati ndryshimet ligjore dhe një vkm. Koleka: “Sa i takon platformave të reja, bashkëqeverisja është pjesë integruese e platformave të reja dhe Pasqyrë Albania dhe Besa do integrohet tek ne. do ketë dhe një ndryshim ligjor, do dalë dhe një vkm, të paktën kjo është ajo që ne kemi menduar dhe të gjitha këto do të integrohen tek bashkëqeverisja.” I pyetur për institucionet më problematike në zgjidhjen e halleve të qytetarëve, Koleka renditi të parën Agjencinë Shtetërore të Kadastrës, pasuar nga gjendja civile, tatimet dhe ministria e bujqësisë.