Rreth 5,000 njerëz janë zhvendosur pas tërmetit të fuqishëm në Indonezi që ka shkaktuar të paktën 51 viktima. Ekipet e shpëtimit po vazhdojnë kërkimet për të mbijetuarit e tërmetit me magnitudë 7.7 ballë, i cili goditi ishullin Flores pak para orës 05:00 sipas orës lokale të shtunën. Raportet paraprake tregojnë se më shumë se 900 shtëpi dhe qindra ndërtesa të tjera janë dëmtuar rëndë nga lëkundja sizmike, tha Agjencia Kombëtare e Menaxhimit të Fatkeqësive (BNPB). Tërmeti, i cili ndodhi vetëm 15 km nën sipërfaqe, ishte më vdekjeprurësi në vendin e Azisë Juglindore që nga viti 2022, kur qindra njerëz u vranë në Javan Perëndimore. Të dhënat paraprake tregojnë se atje janë regjistruar 24 viktima, ndërsa 17 vdekje u regjistruan në provincën East Manggarai, tre në provincën Sikka dhe të paktën një në secilën prej provincave Ngada, Ende dhe Ëest Manggarai. Një total prej 3,356 personash ishin zhvendosur në Sikka, me 2,078 të tjerë të evakuuar në Manggarai, tha agjencia.