Përmes një takimi online prezenca e OSBE-së diskutoi rreth raportit të vlerësimit të situatës për reagimin e bashkive të vendit ndaj emergjencës së COVID-19. sipas pjesëmarrësve në takim pandemia e këtij viti risolli edhe një here në vemendje se pushteti vendor është niveli i qeverisjes më i afërt me qytetarët dhe, për pasojë, mund t’u përgjigjet më mirë sfidave dhe nevojave specifike të tyre. Raporti prezantoi gjetjet kryesore të vlerësimit të situatës rreth reagimit të 13 bashkive të përzgjedhura gjatë gjendjes së emergjencës të COVID19-s në 6 muajt e parë të 2020. Raporti hedh dritë mbi reagimin e 13 bashkive, ndryshimet që iu desh të bënin dhe se si këto ndryshime reflektuan në jetën e qytetarëve gjatë pandemisë. shkëmbimi i njohurive mes njësive të pushtetit vendor për menaxhimin e fatkeqësive dhe rimëkëmbjen në të ardhmen, ishte një tjetër gjetje e këtij raporti. Diskutimet u përqendruan te ndikimi negativ i pandemisë në financat dhe të ardhurat vendore të bashkive, si dhe u theksua nevoja për rishikimin e shpërndarjes së taksave të përbashkëta, siç është renta minerare. Raporti u hartua pas një sondazhi me audiencë të përzgjedhur, takimet e drejtpërdrejta dhe hulumtimet, që prezenca e OSBE, në bashkëpunim të ngushtë me Ministrinë e Brendshme dhe Agjencinë për Mbështetjen e Vetëqeverisjes Vendore, zhvilloi me 13 bashkitë, gjatë periudhës gusht-tetor 2020. Bashkitë e përfshira në raport janë ato të Vlorës, Beratit, Skraparit, Kukësit, Matit, Klosit, Mirditës, Bulqizës, Roskovecit, Patosit, Selenicës, Fushë-Arrëzit dhe Urës Vajgurore.