Izraeli po përgatitet të godasë bazat bërthamore të Iranit në një mision të përbashkët me SHBA-në, ndërsa Irani është "i izoluar dhe i dobët". Forcat izraelite të mbrojtjes po përgatiten për sulmet, pasi zhdukën 85 për qind të mbetjeve të ushtrisë së Asadit, duke pastruar rrugën për avionët dhe raketat e tyre. Qeveria e Netanyahut ka konfirmuar tani se do të shfrytëzojë mundësinë e rrallë për të goditur Iranin pasi aleatët e vendit islamik janë rrëzuar si miza. Izraeli ka shkatërruar 85 për qind të sistemeve kundërajrore në Siri në një valë prej 480 sulmesh, sipas burimeve nga vendi, duke fituar epërsi totale në qiell. Siria nën diktatorin Assad ishte aleati më i afërt i Iranit, kështu që Irani është shumë më i izoluar dhe më i prekshëm tani që regjimi i tij është rrëzuar. Grupi kukull i Iranit në Liban, Hezbollahu, është gjithashtu tepër i dobët pas një përballjeje të dhimbshme me Izraelin, cka hap më tej rrugën për veprim vendimtar. Izraeli ka konsideruar mundësinë e sulmeve ndaj programit të rrezikshëm bërthamor të Iranit prej vitesh, por ka hezituar, pjesërisht për shkak se SHBA gjithmonë ka paralajmëruar kundër këtij hapi. Por mundësia po bëhet më e prekshme tani që irani është dobësuar. Irani gjithmonë ka mohuar se po përpiqet të prodhojë armë bërthamore dhe thotë se programi i tij ka qëllime civile. Megjithatë, inteligjenca amerikane ka zbuluar se Irani ka patur një program të organizuar bërthamor ushtarak deri në vitin 2003 dhe Izraeli beson se misioni nuk është braktisur kurrë.