Pashkët Ortodokse kanë sjellë në atdhe qindra emigrantë të cilët jetojnë përtej kufirit, në shtetin grek, cka ka krijuar edhe fluks automjetesh në pikën kufitare të Kapshticës. Në këtë pikë, në hyrje të Republikës së Shqipërisë po punohet me 3 sportele dhe dalja nga vendi ynë drejt Greqisë, po bëhet po ashtu nga tre sportele. Megjithëse ka fluks automjetesh dhe në hyrje por edhe në dalje të territorit, nuk raportohet për rradhë të gjata pritjesh. Të paktën, kështu njoftoi Drejtoria Vendore e Kufirit dhe Migracionit Korçë, duke thënë se Pikën e Kalimit Kufitar Kapshticë po shërnëjnë 6 sportele në hyrje dhe dalje të Shqipërisë. Drejtuesit e Drejtorisë Vendore për Kufirin dhe të Stacionit të Policisë Kufitare Kapshticë janë në kontakt të vazhdueshëm me palën greke, e cila ka shtuar sportelet, për të menaxhuar fluksin e lëvizjes dhe shmangur radhët. Kremtimet për Pashkën Ortodokse kanë nisur që të premten ku është përkujtuar kryqëzimi i Krishtit dhe vijojnë deri të dielën, ku besohet se Krishti është ringjallur. Në nisje të javës së ardhshme pritet të jetë e njëjta panoramë në pikën kufitare të kapshticës, ku shqiptarët do kthehen në vendin ku jetojnë, për tiu rikthyer angazhimeve të përditshme.