Komisioni Evropian propozoi një ditë më parë , Digital Green Certificate (Certifikatë Digjitale të Gjelbër) për të lehtësuar lëvizjen e sigurt brenda BE-së gjatë pandemisë COVID-19. Presidentja e Komisionit Evropian, Ursula von der Leyen, gjatë prezantimit të një pakete të re masash për heqjen e kufizimeve të udhëtimit, u shpreh se me certifikatën e vaksinimit ne synojmë të ndihmojmë shtetet anëtare të kthehen në lëvizshmërinë e sigurt dhe të koordinuar, duke siguruar kështu se qytetarët evropianë do të jenë në gjendje të kthehen për të udhëtuar këtë verë, duke siguruar prova se ata i janë nënshtruar vaksinës, që kanë një test negativ, ose që janë shëruar nga Covid 19 dhe kanë zhvilluar antitrupa". Këto janë përmbajtjet kryesore të lejes së re Covid të paraqitur nga Komisioni i BE për të rifilluar udhëtimet në Evropë.Certifikata duhet të jetë në dispozicion nga qershori në format digjital ose letër dhe ligjërisht e detyrueshme për vendet anëtare. Në një lidhje Skype për "Wake Up" nga Brukseli, gazetarja shqiptare Aurora Allushaj bëri të ditur se (Certifikatë Digjitale të Gjelbër) “Digital Green Certificate” do të jepet falas dhe do të përmbajë tri certifikata të dallueshme. Komisioni Europian u bën thirrje të gjitha vendeve të treta që ta njohin sistemin e dixhitalizimit të certifikatave në mënyrë që edhe ata të heqin pengesat për shtetasit europianë, që duan të udhëtojnë në vende psh. si Shqipëria, që nuk është akoma në Bashkimin Europian.