Avioni i RyanAir, dritarja e thyer e të cilit thuajse thithi plotësisht një pasagjer, kishte bërë një ulje emergjence një ditë para incidentit shokues. Ljubiša Karović, 61 vjeç, u tërhoq nga sedilja me trupin që ngeci në dritaren e avionit në 6 mijë metra lartësi, duke mbetur i plagosur rëndë dhe pa kujtime të kthjellëta të përvojës së tmerrshme. Bashkëshortja e tij, Svetlana Grković, ndërhyri heroikisht duke e kapur nga këmbët para se ai të mund të tërhiqej përsëri brenda dhe thotë se në ato momente kishte menduar: “Nëse vdesim, vdesim së bashku”. Boeing 737-800 po udhëtonte nga Selaniku, në Greqi, drejt Memmingenit, në Gjermani, kur pasagjerët dëgjuan një zhurmë shurdhuese. Copëza të shkëputura nga motori i avionit besohet se thyen dritaren e kabinës pranë vendit ku ishte ulur çifti serb, duke i cuar menjëherë pranë vdekjes.