Një pasagjer i RYANAIR u "thith" deri në mes nga dritarja e thyer e kabinës së avionit. 61 vjecari serb u shpëtua nga bashkëshortja dhe pasagjerët e tjerë në bordin e një boeingu 737. Avioni ishte nisur nga aeroporti i Selanikut në greqi për në Memmingen të Gjermanisë, mëngjesin e të premtes. Por ai u kthye sërish në selanik pasi pasagjerët dëgjuan një zhurmë shurdhuese dhe dritaret e avionit u thyen. Burri u thith nga dritarja ndërsa pasagjerët e tjerë u përfshinë nga paniku. Një dëshmitar i tronditur tha për median greke ERT se koka dhe supet e burrit kishin dalë jashtë dritares dhe bashkëshortja e tij e kapi fort, për rreth 5 minuta para se pasagjerë të tejrë ta ndihmonin që ta tërhiqnin trupin e tij brenda. Burri mbeti i plagosur dhe u trajtua nga mjekët kur avioni u kthye në pistë. Ai dhe tre persona të tjerë të lënduar u transportuan me urgjencë në spital. Sipas raporteve, kishte patur një defekt në motorin e avionit dhe disa copa të shkëputura prej tij kishin thyer xhamat e dritareve në fluturim. Avioni po fluturonte në një lartësi prej 6 mijë metrash kur dritaret e tij u thyen.