Nëntë persona janë plagosur pasi një fluturim i Ryanair u godit nga turbulenca të forta, me ekuipazhin dhe pasagjerët që u tmerruan ndërsa avioni u detyrua të bënte një ulje emergjente. Fluturimi nga Berlini në Milano u përball me stuhi mbi Gjermaninë jugore, me raportime se njerëzit u hodhën nga sediljet e tyre në tavan, ndërsa avioni kaloi përmes turbulencave. Një pasagjer i tmerruar tha për gazetën gjermane BILD: 'Nuk kam qenë kurrë më i frikësuar më parë - por në atë moment, mendova se avioni do të cahej apo do të rrëzohej!' Disa pasagjerë raportohet se kanë qenë nga vendet e tyre kur avioni u godit nga turbulencat, ndërsa një nënë dhe një foshnjë, thuhet se ishin në tualet. Disa pasagjerë pretenduan se nuk ishin paralajmëruar në kohë për të vendosur rripat e sigurimit, thotë BILD. Kushtet e vështira cuan në një ulje të paplanifikuar në Memmingen, në Gjermaninë jugore, ku fotografitë tregojnë avionin e pasagjerëve në pistë pranë automjeteve të emergjencës. Pasagjerët thuhet se u mbajtën në avion për disa orë. Shërbimet e emergjencës zbritën pasagjerët nga avioni pasi kapiteni kërkoi ndihmë mjekësore para uljes. Ulja në Memmingen thuhet se ka qenë 'e sigurt dhe pa incidente'. Në avion kishte 179 pasagjerë dhe gjashtë anëtarë të ekuipazhit. Tre nga ata që u lënduan thuhet se u shtruan në spital, përfshirë një dyvjeçar që pësoi mavijosje, një grua që pësoi një carje në kokë dhe një pasagjer tjetër me dhimbje shpine.