Një kompani ajrore me buxhet të ulët në SHBA ka vendosur t’u kërkojë udhëtarëve me më shumë kilogramë, të paguajnë për një vend shtesë në avion. Southëest Airlines i është nënshtruar një serie ndryshimesh këto kohë dhe një ndër to është edhe rregulli që udhëtarët që nuk i zë sedilja duhet të paguajnë për një vend shtesë. Rregulla e re hyn në fuqi më 27 janar, të njëjtën ditë kur Southëest do të fillojë të caktojë vendet, një ndryshim rrënjësor ky nga politika e mëparshme që u lejonte pasagjerëve të zgjidhnin vetë vendet e tyre kur ngjiteshin në avion. Aktualisht, pasagjerët mbipeshë mund të paguajnë për një vend shtesë paraprakisht me mundësinë e marrjes mbrapsht të parave më vonë, ose mund të kërkojnë një vend shtesë falas në aeroport. Sipas politikës së re, një rimbursim nuk është më i garantuar. Deri më tani, Southëest, i lejonte pasagjerët të zgjidhnin vetë vendet e tyre si edhe të fluturonin me bagazhe falas. Por duket se praktika nuk ka rezultuar shumë fitimprurëse për kompaninë që është detyruar tani të bëjë ndryshime. Lëvizja e Southëest vjen ndërsa linjat ajrore me kosto të ulët në të gjithë botën po rishikojnë politikat e tyre.