Kryeministri Edi Rama ka vendosur të shkarkojë këtë të martë nga detyra zv,ministren e Mjedisit dhe Turizmit, Ornela Çuci. Cuci e mbante këtë post që prej vitit 2017, ndërsa vendimi për shkarkimin e saj u publikua në fletoren zyrtare. “Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Znj. Ornela Çuçi, zëvendësministër i Turizmit dhe Mjedisit, lirohet nga kjo detyrë. Ky vendim hyn në fuqi menjëherë”, thuhet në vendim. Në fakt, shkarkimi i zëvëndësministres nga detyra, nuk lidhet me ngjarjen e 2 gushtit në plazhin e Potamit në Himarë ku humbi jetën Jonada Avdia. Nuk dihet nëse zëvndësministrja ka apo jo lidhje me ministrin e brendshëm Bledi Cuci, duke qenë se mbajën të njëjtin mbiemër. Por ajo që dihet është se për këtë të fundit, kërkohet me ngulm dorëheqja ose shkarkimi nga detyra.