Të dhënat e publikuara nga Instituti Ekonomik i Mastercard, një prej shërbimeve kryesore të pagesave në botë, tregojnë se Tirana renditet e dyta në Europë dhe e treta në botë sa u takon rezervimeve për udhëtime gjatë muajit qershor. Raporti i MasterCard thotë se Tirana në veçanti dhe Shqipëria në tërësi po tërheqin gjithnjë e më shumë turistë prej disa faktorë. Së pari, distanca e shkurtër e kryqytetit me bregdetin dhe qëndrat kryesore të turizmit në vend. Së dyti, çmimet relativisht të lira në krahasim me qëndrat e tjera të turizmit në Europë dhe së treti prirja e turistëve për të vizituar vende të reja. Lista e destinacioneve të preferuara kryesohet nga Tokio. Kryeqyteti japonez nuk është risi në këtë raport, ndërsa në vend të dytë është Mynihu, por që prenotimet i ka në rritje prej kampionatit europian që nis në qershor në Gjermani.