Punonjësit në një qendër tregtare në jug të Japonisë përshkruan se u hodhën në dysheme ose u mbuluan nga një re pluhuri pas një tërmeti masiv me magnitudë 7.1 që tronditi ndërtesën të martën. Ata ishin me fat. Një orë më vonë, ndodhi katastrofa e vërtetë. Qindra blerës dhe punonjës të dyqanit, të shoqëruar shpejt nga stafi për t'u evakuuar, panë me tmerr ndërsa një shpërthim shkatërroi ndërtesën. Ekipet e ndihmës së shpejtë, nxorën tetë persona nga vendi i shembur pjesërisht herët të mërkurën, mes tyre tre të vdekur. Statusi i katër punonjësve të qendrës mbetet i panjohur, tha operatori i qendrës tregtare Aeon, duke shtuar se po hetonte një rrjedhje të mundshme gazi. "Mendova se kishte shpërthyer një bombë," tha një 41 vjecar që drejtonte një sallon bukurie dhe një kafene pranë qendrës tregtare.