Pak minuta pas incidentit, Rama dhe Basha vijuan axhendat e tytre respective, duke u ndaluar në panairin e kësaj dite, takimet dhe urimet me qytetarë të ndryshëm. Komentin e parë për atë se çfarë ndodhi e komentoi ministrja evis Kushi, e cila shoqëronte kreun e qeverisë. Por, pas incidentit, Rama përmes një postimi në Tëitter shkroi se prej 20 vjetësh në Elbasan nuk kishte parë një turmë ulëritëse me flamuj partie, si ai automobili zhurmues i filmit "Koncert në vitin 36"! Dukeshin si 100 kopje të Ilir Metës, ndërsa Luli kishte parkuar makinën në korsinë e bicikletave e ishte fshehur mes tyre! Kjo shfaqje vulgare është një tjetër shembull i degradimit të një opozite demode, e cila ka në krye një kukull në duart e Saliut&Ilirit, që duan sherr e përçarje, për të marrë peng Shqipërinë e drejtësinë!Keqardhje e madhe për PD e kthyer në vegël e dy hallexhinjve të drejtësisë! – mbylli postimin e tij Rama Vetë Rama tha për mediat se nuk janë armiq me Bashën dhe se ishte në Elbasan për të uruar qytetarët, duke ripërmenduar pagjumësinë për të siguruar vaksinat për njerëzit. Basha, duke kërkuar qetësi tha se dita e verës merr kuptimin e një feste, por edhe një kthese për qytetarët.