Pas arrestimit të gardistit Martin Nikolla, Ministri i Brendshëm Taulant Balla takoi oficerët e Gardës së Republikës dhe vuri theksin te respektimi i Ligjit dhe Kodit të Etikës. “Edhe pse sot jam këtu për të adresuar një problematikë të një fenomeni, që nuk duhet të ndodhë më kurrë me asnjë punonjës të Gardës së Republikës, lidhur me një rast të bërë publik së fundi, ku natyrshëm veprimi ynë ishte i menjëhershëm, dhe ky veprim do të jetë i menjëhershëm në të gjitha rastet kur një anëtar i kësaj Garde të nderuar Republike, do të shkelë normat etike të funksionimit, të të qenit dhe të të pasurit nderit për të qenë anëtar i Gardës së Republikës”. Krahas paralajmërive për ndëshkim në rast paligjshmërie, Balla u premtoi oficerëve se do të bëjë gjithçka për të garantuar trajtim financiar më të mirë për të gjitha nivelet e strukturës së Gardës së Republikës.