Presidentja e Kosovës, Vjosa Osmani priti këtë mëngjes të dërguarin e Shteteve të Bashkuara për Ballkanin Perëndimor, Gabriel Escobar. Pas takimit me Osmanin, Escobar iu drejtua edhe zyrës së kryministrit Kurti. Vizita e Escobarit në Kosovë vjen në kohën kur Franca dhe Gjermania besohet se u kanë ofruar një propozim liderëve të Kosovës dhe Serbisë, që do të mund të ishte një kornizë e re për dialogun midis dy shteteve, për arritjen e një marrëveshjeje ligjërisht të obligueshme për normalizimin e raporteve.Sipas presidentit të Serbisë, Aleksandar Vuçiç, ky propozim kërkon që serbia të lejojë anëtarësimin e Kosovës në organizma ndërkombëtare në këmbim të anëtarësimit të shpejtë të saj në BE. Për herë të fundit, Escobar ka vizituar Kosovën më 24 gusht, së bashku me të dërguarin e Bashkimit Evropian për dialogun Kosovë-Serbi, Mirosllav Lajçak