Ambasadorja e SHBA-ve, Yuri Kim është takuar me Fisartin, komentuesin që e quajti “kineze”, disa ditë më parë, gjatë një reagimi në një prej postimeve të saj në rrjetet sociale. Lajmin e ka bërë të ditur ambasadorja Kim, duke postuar një foto me të riun ku duken duke uruar njëri-tjetrin me gota. Ajo thotë se me Fisartin kanë diskutuar rreth vendeve të tyre të origjinës, mënyrës se si janë rritur, por edhe marrëdhëniet shumë të mira mes Shqipërisë dhe Amerikës. “Javën e kaluar Fisarti bëri një koment për “miqësinë shqiptaro-kineze” që më çuditi. Kështu e ftova për kafe. Sot u ulën jashtë, në diell, pimë kafe dhe biseduam për komentin, por edhe për shumë gjera të tjera. Ne diskutuam për origjinën dhe se si kjo na ka formuar”, thuhet në postimin e ambasadores amerikane. Ajo thotë më tyej se Fisar është nga Tropoja, një vend që ajo e pelqen shumë dhe e ka vizituar muajin e kaluar. Ambadadorja thotë se vet ajo vjen nga një mal i Koresë, por është rritur në një ishull tropikal. “ Unë mësova pak më shumë për të shkuarën e shqiptarëve dhe u çudita kur Fisarti më tregoi se si Enver Hoxha kontrollonte gjithçka, financat, fenë, punët, por ai nuk mund të kontrollonte shpirtin njerëzor. Ne gjithashtu diskutuam për sfidat që kanë shqiptarët dhe ramë dakord që ligji dhe barazia përballë ligjit është i rëndësishëm që të gjithë shqiptarët jo vetëm elita të ketë një punë, të kujdeset për familjet dhe të kontribuojnë plotësisht në të ardhmen e shtetit” , shkruan Kim. Pak ditë më parë, Fisarti tërhoqi vëmendjen e ambasadores me anë të një komenti të bërë në një foto që ajo kishte publikuar nga Pogradeci. “Dashuria shqiptaro-kineze është një histori e vjetër dhe e bukur”!, komentoi Fisarti në postimin e ambasadores Yuri Kim.