Presidenti turk, Tajip Erdogan u zotua të hënën të korrigjojë çdo gabim që çoi në humbjen e partisë së tij në zgjedhjet lokale të Turqisë, ku opozita kapitalizoi me vota problemet ekonomike të vendit. Erdogan mbajti një fjalim të zymtë në orët e para të së hënës. "Ky nuk është një fund për ne, por në fakt një pikë kthese", tha ai, duke pranuar një "humbje lartësie" për AKP-në. "Nëse kemi bërë një gabim, ne do ta rregullojmë atë", u tha ai turmave të mbledhura në selinë e AKP-së në Ankara, pa treguar se çfarë ndryshimesh mund të bëjë brenda partisë së tij, ose në politikën turke. Votimi i së dielës shënoi humbjen më të rëndë të Erdoganit dhe Partisë së tij në më shumë se 20 vjet në pushtet, duke rigjallëruar partinë opozitare dhe duke forcuar pozitën e kryebashkiakut të Stambollit Ekrem Imamoglu si rivali kryesor i presidentit.